Владимир Путин Қазақстанға ресми сапармен келді
Ресей президенті Владимир Путин Қазақстанға ресми сапармен келді, деп хабарлайды Qazaq.today ақпараттық агенттігі. Ақорданың баспасөз қызметінің хабарлауынша, Путинді Президент әуежайда қарсы алған.
«Мемлекет басшысы Қасым-Жомарт Тоқаев Қазақстанға ресми сапармен келген Ресей президенті Владимир Путинді елорда әуежайында қарсы алды», — делінген хабарламада.
Сапар барысында екі ел басшылары келіссөз жүргізіп, Қазақстан мен Ресей арасындағы стратегиялық серіктестіктің өзекті мәселелерін талқылайды деп жоспарланып отыр.
Бұдан бөлек, президенттер Қостанайда өтетін Қазақстан мен Ресейдің XIX Өңіраралық ынтымақтастық форумына бейнебайланыс режимінде қатысады.
