Иран ШЫҰ құрамына кірді
Иран Ислам Республикасы ресми түрде Шанхай ынтымақтастық ұйымына (ШЫҰ) мүше болды.
Бұл шешім Үндістанның төрағалығымен өткен ұйымның ХХІІІ саммитінде қабылданды.
Иран мемлекетаралық бірлестіктің 9-шы мүшесі атанды. 2022 жылдың қыркүйегінде Самарқандта өткен ШЫҰ саммитінде Иранның ұйымға қосылуы туралы меморандумға қол қойылған еді.
ШЫҰ 2001 жылы 15 маусымда Шанхайда құрылған. Алғашқы кезде ұйымға 6 мемлекет – Қазақстан, Қытай, Қырғызстан, Ресей, Тәжікстан және Өзбекстан мүше болса, 2017 жылы олардың қатарына Үндістан мен Пәкістан қосылды.
Дереккөз: halyq-uni.kz
Qazaq.today
