Қарағандыда аялдама саламыз деп, жаяу жүргіншілер жолын қиратып кеткен
Фото: видеодан скрин
Қарағанды облысының Қарағанды қаласында аялдама салу жұмыстары тұрғындардың жүріп-тұруына қиындық туғызған, деп хабарлайды QazaqToday.info ақпарат порталы.
Медицинская көшесіндегі «Рахима», «Синенький» дүкендері мен Говоров аялдамасы маңында үш жерден автобус тоқтайтын алаң жасау жұмыстары басталған. Алайда тұрғындардың айтуынша, құрылыс аяқталмай, жұмыс қолайлы ауа райын күту үшін тоқтатылған. Соның салдарынан жаяу жүргіншілер жолы бұзылып, адамдар кедергілерді айналып өту үшін көлік жүретін жолға шығуға мәжбүр. Қала әкімдігінің қараша айында құрылысты бастап, оны аяқсыз қалдыруы тұрғындардың наразылығын туғызып отыр. Халық жергілікті биліктен жұмыстың қашан аяқталатынын, жолға асфальт қашан төселетінін және аялдама павильондары қашан орнатылатынын нақты айтуды талап етеді.
Видео: @msu.zbi.krg23
