Щукин Рыбакинаны WTA қорытынды турнирінің фавориті деп атады
Қазақстан әйелдер теннис құрамасының капитаны Юрий Щукин Елена Рыбакинаны WTA қорытынды турнирінің фавориті деп атады және оның биылғы мүмкіндіктеріне болжам жасады.
Сурет: sports.kz
Қазақстан әйелдер теннис құрамасының капитаны Юрий Щукин үш дүркін Үлкен дулыға чемпионы, әлемнің бірінші ракеткасы Елена Рыбакинаны WTA қорытынды чемпионатының фавориті деп атауға бола ма деген сұраққа жауап берді.
Бұл туралы Qazaqtoday.info сайты хабарлайды.
— Еленаны осы қорытынды турнирдің фавориті деп атауға бола ма? Ол титулды қорғап жатқанын және биыл екі хардтық «Шлемді» жеңіп алғанын ескерсек. — Лена кез келген жағдайда фаворит, ол екі «Үлкен дулығаны» жеңіп алды ма, жоқ па — бәрібір. Өткен жыл көрсеткендей, ол Үлкен дулығада жеңіске жетпесе де, соңында қорытынды турнирді жеңіп алды. Оның үстіне ол мүлде формада емес еді. Биыл ол міндетті түрде жеңеді деп айту қиын, өйткені іріктеуден өткендердің барлығы өте жоғары деңгейде ойнайды. Бірақ Лена бәрібір фаворит болады, себебі ол Қытайдағы турнирді жеңіп алды, бұл оған ойында сенімділік береді, — деді Щукин.
Еске салайық, WTA-2026 қорытынды турнирі 8-15 қараша аралығында Индиан-Уэллсте (АҚШ) өтеді.
