Дұшпан алыстан келмейді»: 4500 жетімге пана болған Әмина апа өміріндегі қиындықтары туралы айтты (ВИДЕО)
Фото: Видеодан скрин
Әке-шешесінен айырылып, барар жері қалмаған талай жетімге пана болған Әмина қажы Әжібаева өміріндегі қиындықтары туралы айтты, деп хабарлайды Qazaqtoday.info.
Ол тележүргізуші, продюсер Мақпал Қаратайға берген сұхбатында өмірінде қанша баланы асырап алғанын айтып, сыр шертті.
«Мен әйел басыммен 5 мың адамдық мешіт салдым. Оның қасына мәйітхана салдым. Не үшін салдым? Халыққа арнап салдым. 32 жылда 4500 жетімді бақтым. Бір-екі ай жатқандарды есептемейміз. Жылдап жатқандарды есепке аламыз», – дейді Әмина апа.
Ол сөзін жалғай отырып, жетім балаларды бағамын деп жүргенде қоғамда өзі жайлы теріс ақпарат тарататындар көбейіп кеткенін айтты.
«Дұшпан алыстан келмейді. Әкем де осыны айтып отыратын еді, айналаңдағы адамдардан, құрбы-құрдастарыңнан да сақтанып жүр дейтін. Менің тіршілігімді білмейтін адам маған қалай дұшпан болып шығады? Маған дұшпан кім? Өзімнің баққаным, қаққаным, өзімнің ішкізгенім, өзімнің тазартып, кішкентайынан көтергенім. Сол дұшпан болып шығады. Оларды Аллаға тапсырдым, Алла жазасын берсін. Басқа ешнәрсе де айтпаймын», – деп еске алды Әмина қажы.
Ол сөзін жалғай отырып, инсульт алғанына қарамастан мешіт салу үшін Астанадағы Қатар елінің елшілігіне барып, өз өмірін қатерге тіккенін айтты.
