Маңғыстау облысында ботулизммен ауырған үш науқас емделіп шықты
Маңғыстау облысы Мұнайлы ауданында ысталған балықтан ботулизм белгілерімен ауруханаға түскен үш науқас емделіп, үйлеріне шығарылды.
Сурет: Видеодан скриншот
Маңғыстау облысы Мұнайлы ауданында ысталған балық өнімін тұтынған соң ботулизм белгілерімен ауруханаға жатқызылған үш науқас емделіп, медициналық мекемеден шығарылды. Бұл жөнінде облыстық денсаулық сақтау басқармасы мәлім етті.
Бұл туралы Qazaqtoday.info сайты хабарлайды.
Айта кетейік, 2026 жылғы 21 қыркүйекте бір отбасының төрт мүшесі, оның ішінде кәмелетке толмаған бала, ысталған балық өнімін тұтынғаннан кейін ботулизм белгілерімен медициналық көмекке жүгінген еді. Науқастарға қажетті ем көрсетіліп, ботулизмге қарсы сарысу енгізілген болатын.
