Ақтауда бопсалаумен айналысқан күдікті ұсталды
Ақтауда бопсалаумен айналысқан күдікті ұсталды. Ол тұрғыннан 300 мың теңге талап еткен. Қылмыстық іс қозғалып, тергеу жүріп жатыр.
Фото: әлеуметтік желі
Ақтау қаласында бопсалау дерегі бойынша күдікті қолға түсті. Алдын ала мәліметтерге сүйенсек, ол жергілікті тұрғыннан оның беделіне нұқсан келтіретін ақпаратты таратпау үшін 300 мың теңге талап еткен.
Бұл туралы Qazaqtoday.info сайты хабарлайды.
Жедел-іздестіру іс-шараларының барысында күдікті талап етілген соманың бір бөлігін алған соң ұсталды. Жеке тінту кезінде одан арнайы белгі салынған ақша табылып, тәркіленді.
Қылмыстық іс қозғалып, күдікті уақытша ұстау изоляторына қамалды. Тергеу амалдары жалғасуда.
