Көкшетауда ЖК тұрғындары екі жылдан бері жол мен жарық күтіп жүр

Көкшетаудағы Сарыарқа шағын ауданында орналасқан «Назым» тұрғын үй кешенінің тұрғындары екі жылдан бері үйге апаратын жолдың жөнделуін күтіп жүр, деп жазады Qazaqtoday.info.

Тұрғындардың айтуынша, қазір бұл аумақта асфальт жоқ, жол ой-шұңқыр, ал жаңбырдан кейін жүру тіпті қиындайды. Кешкі уақытта көше жарығының болмауы да тұрғындарға қолайсыздық туғызып отыр. Қалалық ТҮКШ бөлімі биыл аталған учаскеге асфальт төсеу мүмкін емес екенін, жұмыс бюджеттен қаржы бөлінген жағдайда жүргізілетінін хабарлаған.

Ал Ақмола облысының ресми мәліметінде Сарыарқа шағын ауданында жол салу жұмыстары жүргізіліп жатқаны көрсетілгенімен, «Назым» ЖК маңындағы мәселе әлі шешілмегенін тұрғындар айтып отыр.

Фото: ашық дереккөз