Маңғыстауда қаза тапқан әскерилердің аты-жөні жарияланды
Маңғыстаудағы оқу-жаттығу кезінде Каспийде қаза тапқан әскерилердің аты-жөні жарияланды. 19 әскериді теңіз ағызып әкетіп, 9-ы қаза тапты, қалғандарын іздеу жалғасуда.
Маңғыстау облысында оқу-жаттығу кезінде қаза тапқан әскери қызметшілердің есімдері белгілі болды. Тізімде сегіз адам бар: Сержан Аяпберген, Әсет Жанабай, Алмас Көбенов, О. Мұхтарұлы, Жеңіс Темірғалиев, Азамат Мадихан, Ақылбек Төлеген және Өмірбек Өмірзақ.
Бұл туралы Qazaqtoday.info сайты хабарлайды.
Еске салсақ, Каспий теңізінде өткен оқу-жаттығу барысында 19 әскери қызметшіні теңіз ағызып әкеткен. Апат салдарынан 9 адам қаза тапты. Үшеуі құтқарылып, біреуі ауруханаға жеткізілді.
Қалған әскерилерді іздеу жұмыстары жалғасуда. Оқиғаның мән-жайын анықтау үшін арнайы комиссия жұмыс істеп жатыр.
