Ақтөбені шіркей қаптады: тұрғындар үйден шығудан қалды

Ақтөбеде ұсақ шіркей көбейіп, тұрғындардың мазасын қашырды, деп хабарлайды Qazaqtoday.info.

Әлеуметтік желіде тараған видеода жәндіктердің тұрғын үйлердің маңын тұтас қаптап, бұлт секілді үйіріліп жүргені көрінеді. Қала тұрғындарының айтуынша, шіркей көзге, мұрын мен ауызға кіріп, шаш пен киімге жабысады.

Ақтөбе әкімдігі жәндіктердің көбеюін ауа райымен байланыстырып, қала аумағында залалсыздандыру жұмыстары жүргізіліп жатқанын хабарлады. Бұған дейін биыл шіркеймен күреске шамамен 15 миллион теңге бөлінгені айтылған.

Видео: Threads @elya_dushumbaeva

Фото: aikyn.kz