Аукциондағы ең қымбат бұйымдардың бірі Бардоның өзі салған портреті болды. Ол 40 мың еуроға сатылды. Ресейлік сатып алушы екі ит қарғыбауы үшін 9,4 мың еуро төледі. Ал жазу машинкасы 4,6 мың еуроға, екі гитара тиісінше 8,6 мың және 1,9 мың еуроға өтті.
Түскен қаржының бір бөлігі Бардо құрған жануарларды қорғау қорына, қалғаны оның ұлы Николя-Жак Шаррьеге беріледі. Қор басшылығы аукционды актрисаның 1987 жылы өз құнды заттарын сатып, қор құруға қаражат жинаған ісінің жалғасы деп сипаттады.
Алайда актрисаның жұбайы Бернар д’Ормаль саудаға қарсы шыққан. Оның пікірінше, жеке заттар Бардо мұрасының бір бөлігі ретінде сақталуы керек еді.
Айта кетейік, Брижит Бардо 2025 жылдың желтоқсанында 91 жасында дүниеден өтті.
