ЖИ жасаған мәтін мен видеоны белгілемегендер жауапқа тартылуы мүмкін
Қазақстанда ЖИ көмегімен жасалған мәтін мен видео арнайы белгіленуі тиіс. Вице-министр Ғиззат Байтұрсынов Үкімет брифингінде жаңа талапты түсіндірді.
Қазақстанда жасанды интеллект көмегімен әзірленген мәтін мен видео арнайы белгіленуге тиіс. Бұл туралы Үкімет брифингінде Жасанды интеллект және цифрлық даму вице-министрі Ғиззат Байтұрсынов мәлімдеді.
Бұл туралы Qazaqtoday.info сайты хабарлайды.
Оның айтуынша, мәтін жазу немесе видео әзірлеу барысында ЖИ қолданылса, бұл ақпарат аудиторияға көрсетілуі қажет. Егер мәтіннің немесе видеоның жасанды интеллект көмегімен жасалғаны көрсетілмесе, жауапкершілік қарастырылған.
Яғни талап ЖИ қолдануға тыйым салмайды, тек оны жасырмауды міндеттейді. Бұл әлеуметтік желілерде жарияланатын роликтерге де қатысты.
Вице-министр жаңа талапты Үкіметтегі брифинг барысында журналистің сұрағына жауап бере отырып түсіндірді.
