Астанада әйел 15-қабаттан секіріп, бесіктегі баламен қаза тапты
Астанада 27 жастағы әйел 15-қабаттан секіріп, екі жасар бала отырған бесік арбаның үстіне құлады. Екеуі де қаза тапты, қылмыстық іс қозғалды.
Сурет: Видеодан скриншот
Астанадағы тұрғын үй кешендерінің бірінде 27 жастағы әйел 15-қабаттың терезесінен секірді. Ол екі жасар бала отырған бесік арбаның үстіне құлаған. Салдарынан екеуі де көз жұмды.
Бұл туралы Qazaqtoday.info сайты хабарлайды.
Бұл туралы елордалық полиция департаментіне сілтеме жасап хабарланды.
«Алдын ала мәлімет бойынша, 27 жастағы әйел тұрғын үйдің 15-қабатындағы терезеден секірген. Соның салдарынан әйел оқиға орнында қайтыс болды. Ол құлаған кезде екі жасар бала отырған бесік арбаның үстіне түскен. Алған жарақаттарының салдарынан бала да көз жұмды», — деп хабарлады ведомство өкілдері.
Қазіргі уақытта аталған факті бойынша тексеріс жүргізілуде. Оқиғаның барлық мән-жайы анықталып жатыр.
Аталған факті бойынша қылмыстық іс қозғалды.
