Бастауыш сыныптарда БЖБ мен ТЖБ алынып тасталды: орнына диктант пен шығарма қайтарылады
Фото: видеодан скрин
Қазақстанда бастауыш сынып оқушыларын бағалау тәртібі өзгерді. 2026 жылғы 1 қыркүйектен бастап 2–4-сыныптарда бұрынғы БЖБ мен ТЖБ орнына жаңартылған бағалау тәсілі енгізілді.
Енді бөлім аяқталғаннан кейін оқушының білімі аралық бағалау арқылы тексеріліп, тоқсан соңында бөлек ТЖБ өткізілмейді. Аралық бағалау диктант, мазмұндама, шығарма және бақылау жұмысы түрінде өтуі мүмкін, оған толық 45 минут беріледі. Министрлік жаңа тәсіл баланың тек баға жинауына емес, мәтінді түсінуіне, сауатты жазуына және алған білімін қолдана білуіне көбірек мән беретінін хабарлады. Өзгеріс ата-аналар мен педагогтердің ұсыныстары және оқушылардың оқу жетістіктеріне жүргізілген талдау негізінде қабылданған.
