Маңғыстауда жаңадан төселген жолдың сапасы сынға қалды

Маңғыстауда жол жөндеу жұмыстарының сапасына қатысты мәселе көтерілді. Әлеуметтік желіде тараған видеода асфальт төселетін жол жиегінің негізі талапқа сай дайындалды ма деген сұрақ қойылған.

Автор жолдың сапасы тек асфальт төсеумен шектелмейтінін, оның астындағы негіз, қиыршық тас пен құмның сапасы да маңызды екенін айтады. Сондай-ақ асфальт қоспасының құрамы мен қолданылатын битумның мөлшері технологиялық талапқа сай болуы керектігін атап өткен.

Видео авторы бұл талаптар сақталмаса, жаңадан төселген жолдың көп ұзамай жарылып, ойылып кетуі мүмкін екенін ескертеді. Кадрдағы жолдың нақты қай учаске екені және жөндеу жұмыстарына жауапты мердігер туралы ақпарат жарияланбаған.

Видео: @mangystau_spestehnika

Фото: matritca.kz