Ауыл шаруашылығы министрлігі шетелден алма әкелуге уақытша тыйым салды
ҚР Ауыл шаруашылығы министрлігі 2026 жылдың 3 қыркүйегінен бастап шетелден алма импортына уақытша тыйым салды. Шара отандық өндірушілерді қолдау мақсатында қабылданды.
Қазақстанның Ауыл шаруашылығы министрлігі 2026 жылғы 3 қыркүйектен 31 желтоқсанға дейін шетелден алма импортына уақытша тыйым салды. Бұл шектеу үшінші елдерден және ЕАЭО мемлекеттерінен барлық көлік түрімен жүзеге асырылатын жеткізілімдерге қатысты.
Бұл туралы Qazaqtoday.info сайты хабарлайды.
Алайда тыйым транзиттік тасымалдарға, сондай-ақ 3 қыркүйекке дейін жөнелтілген немесе растайтын құжаттары болған жағдайда Қазақстан аумағына нақты әкелінген алмаларға қолданылмайды.
Ведомствоның мәліметінше, бұл шара отандық өндірушілерді қолдауға және қазақстандық алманың тұрақты өткізілуін қамтамасыз етуге бағытталған.
