Алты адамның ажалы: Ақтөбе облысында екі Toyota Camry соқтығысты
Фотоколлаж: Azattyq Rýhy
Ақтөбе облысында екі Toyota Camry соқтығысып, салдарынан 6 адам қаза тапты, деп хабарлайды Qazaqtoday.info.
Қайғылы оқиға Ақтөбе – Астрахань автожолының 94-шақырымында, Мұғалжар ауданындағы Қандыағаш қаласына жақын жерде болды.
«Аталған факті бойынша қылмыстық іс қозғалды. Қазіргі уақытта оқиғаның барлық мән-жайын анықтауға бағытталған сотқа дейінгі тергеу жүргізіліп жатыр. Полиция қаза болғандардың туған-туыстары мен жақындарына қайғырып көңіл айтады», – делінген ПД-ның агенттік тілшісіне берген пікірінде.
Полиция жүргізушілерді жол қозғалысы ережелерін қатаң сақтауға, көлік жылдамдығын қауіпсіз деңгейде таңдауға және жолда барынша мұқият болуға шақырады.
