Граната, автомат, мылтық: Қазақстанның 12 өңірінде ондаған қару-жарақ табылды
Фото: ҰҚК
Қазақстанның 12 өңірінде заңсыз сақталған 56 қару-жарақ табылды, деп хабарлайды Qazaqtoday.info.
ҰҚК биыл тамыз айында полиция органдарымен бірлесіп, прокуратураның үйлестіруімен еліміздің 12 өңірінде қарудың заңсыз айналымын тоқтату бойынша жедел-іздестіру іс-шараларын өткізді.
Ведомство мәліметінше, барлығы 56 қару-жарақ, оның ішінде 4 автомат, 34 мылтық, 18 тапанша, 13 граната және 314 оқ-дәрі тәркіленді.
«Көрсетілген фактілер бойынша сотқа дейінгі тергеу жүргізіліп жатыр. Қылмыстық-процестік кодекстің 201-бабына сәйкес өзге ақпарат жария етуге жатпайды», – делінген ҰҚК хабарламасында.
