Фариза Төреәлі анасын туған күнімен құттықтады

Сурет: ашық дереккөзден

Әнші Төреғали Төреәлінің қарындасы Фариза Төреәлі анасы Аягөз Қосбатырқызын туған күнімен құттықтап, әлеуметтік желідегі парақшасында жүрекжарды жазба жариялады. Бұл туралы Malim.kz сайтына сілтеме жасап, turkystan.kz тілшісі хабарлады.

Бұл туралы Qazaqtoday.info сайты хабарлайды.

Фариза анасының отбасы үшін ерекше тұлға екенін атап өтіп, бала кезінен көрген мейірім мен қамқорлықты еске алды. «Анашым дегенде жүрегім елжіреп, дүниенің бар жақсысын алдына жиып бергім келеді. Жүзіндегі күлкісі, қуанышы үшін бәрін жасауға даяр тұрамын. Себебі ана – соның бәріне лайықты», – деп жазды ол.

Оның айтуынша, Аягөз Қосбатырқызы өмірін балалары мен отбасына арнап, әулеттің берекесін кіргізіп келе жатқан жан. Фариза өзі ана атанған соң ана махаббатының қадірін бұрынғыдан да терең түсінетін болғанын жеткізді. «Анашым, сіздің қызыңыз болғанымды әрдайым мақтан тұтамын. Әр балаңыздың әр жетістігінің артында – сіз барсыз», – деді ол.

Фариза анасына ұзақ ғұмыр мен мықты денсаулық тілеп, әкесімен бірге балалары мен немерелерінің қызығын көруіне тілектестік білдірді. «Сіз бар үйге әлі күнге дейін қыз болып бара алатыным – өмірімдегі ең тәтті бақытымның бірі», – деп жазды ол. Сонымен қатар, ол анасына деген сүйіспеншілігі мен алғысын білдіріп, оның алдағы ғұмырының шуақты әрі бақытты болуын тіледі.