«Батпаққа батқан қала»: Семейдегі жолдың сиқы жұртты ашуландырды
Фото: видеодан скрин
Семейде жауыннан кейін көшелердің бірінің адам жүргісіз күйге түскені әлеуметтік желіде қызу талқыланып жатыр, деп хабарлайды Qazaqtoday.info ақпарат порталы.
Видеодан жолдың ой-шұңқыры суға толып, айналасы лай-батпаққа айналғанын көруге болады. Тұрғындар мұндай жолмен көлік түгілі, жаяу жүрудің өзі қиын екенін айтып, қаладағы инфрақұрылымның жағдайына наразы.
Облыс орталығындағы көшенің осындай күйде жатуы әкімдіктің жол күтіміне қаншалықты көңіл бөліп отырғанына сұрақ туғызады. Жыл сайын жол жөндеуге қаржы бөлінгенімен, қарапайым халық оның нәтижесін неге күнделікті жүретін көшесінен көрмейді?
Енді Семей әкімдігі бұл учаскенің қашан жөнделетінін және мәселенің нақты себебін тұрғындарға ашық түсіндіруі керек.
