Астанада велосипедші әйел жол-көлік оқиғасынан қаза тапты
Астанада 46 жастағы әйел велосипедпен келе жатып, «Газель» көлігінің астына түсіп, қаза тапты. Полиция қылмыстық іс қозғады.
Сурет: Әлеуметтік желіден
Астанада 46 жастағы әйел велосипедпен келе жатып, жол-көлік оқиғасы салдарынан қайтыс болды, деп хабарлайды Qazaqtoday.info сайты.
Қалалық полиция департаментінің мәліметінше, оқиға түнгі сағат 22:50 шамасында болған. Әйел Жолымбет көшесінің бойындағы тротуармен велосипедпен келе жатқан. Бестөбе көшесімен қиылысқа жеткенде, ол тізгінге ие бола алмай, жолдан өтіп бара жатқан «Газель» көлігінің артқы дөңгелегінің астына құлаған.
Алған жарақаттары салдарынан әйел оқиға орнында көз жұмды. Осы факті бойынша қылмыстық іс қозғалып, полиция қызметкерлері оқиғаның мән-жайын анықтап жатыр.
