Президент: Талас құрылтайы Алтын Орданың құрылуына себепкер болды
Фото: видео скрин, өнделген фото
Бүгін президент Қасым-Жомарт Тоқаев Құрылтайдың бірінші сессиясын ашып, оның тарихи тамыры тереңде жатқанын айтты, деп хабарлайды Qazaqtoday.info.
Мемлекет басшысының айтуынша, ата-бабаларымыз ел тағдыры шешілетін маңызды кезеңдерде Құрылтай шақырып, ортақ шешім қабылдаған. Президент бұған Талас және Ордабасы құрылтайларын мысал етті.
«Мысалы, Талас құрылтайы алып империя – Алтын Орданың құрылуына себепкер болды. Ал Ордабасы құрылтайы қиын-қыстау кезеңде барша қазақты бір байрақтың астына жинады», – деді Қасым-Жомарт Тоқаев.
Президент Құрылтай атауын таңдауды өткенді қайталауға ұмтылу емес, тарихи сабақтастықты сақтап, дәстүрлі саяси институттарды заманауи басқару жүйесімен ұштастыру деп түсіндірді.
Оның сөзінше, жаңа заң шығарушы орган елдің саяси жүйесін жаңғыртып, ұлттық заңнаманың сапасын арттыруға тиіс.
