Қазақстанның үш аймағында тұрғын үйді міндетті сақтандыру енгізіледі
Қазақстанның үш аймағында тұрғын үйді міндетті сақтандыру жүйесі пилоттық режимде енгізіледі. Жыл сайынғы жарна 2-20 мың теңге, төлем 1-10 млн теңге.
Қазақстанда тұрғын үйді міндетті сақтандыру жүйесін енгізу жоспарлануда. Бұл жүйе алдымен елдің үш өңірінде пилоттық режимде іске қосылады. Сақтандыру табиғи апаттардан — жер сілкінісі, су тасқыны және орман өрттерінен келген шығынды өтеуді көздейді, деп хабарлайды Qazaqtoday.info сайты.
Жыл сайынғы сақтандыру жарнасы 2 мыңнан 20 мың теңгеге дейін болуы мүмкін. Ал апат орын алған жағдайда үй иесіне 1 миллионнан 10 миллион теңгеге дейін төлем төленуі қарастырылған.
Жүйенің алғашқы кезеңінде қай аймақтар таңдалатыны әзірге белгісіз. Міндетті жарналар үш жылдық өтпелі кезеңнен кейін ғана енгізіледі.
