«Жұмыс созылып кетті»: Бектенов Digital Qazaqstan жоспарын бір аптада аяқтауды тапсырды
Фото: Үкімет
Премьер-министр Олжас Бектенов Үкімет отырысының барысында Digital Qazaqstan стратегиясын іске асыру жөніндегі Іс-қимыл жоспарын келісу жұмысын дереу аяқтауды тапсырды, деп жазады Qazaqtoday.info ақпарат порталы.
«Digital Qazaqstan стратегиясы қабылданды. Бірақ оны іске асыру жөніндегі Іс-қимыл жоспарын келісу жұмысы созылып кетті. Жасанды интеллект министрлігіне мүдделі мемлекеттік органдармен бірлесіп, осы жұмысты дереу аяқтап, бір апта ішінде Үкіметке тиісті қаулы жобасын енгізуді тапсырамын»,
— деп атап өтті Олжас Бектенов. Аталған мәселелер бойынша бақылау мен үйлестіру Премьер-министрдің орынбасары – жасанды интеллект және цифрландыру министрі Жаслан Мәдиевке жүктелді.
