Қазақстанда қысқа жемшөп дайындау науқаны қарқынды жүріп жатыр
Қазақстан облыстарында жемшөп дайындау науқаны жалғасуда. Өндірушілер жоспардың 67%-ын орындап, 27,9 млн тонна жемшөп жинады.
Сурет: egemen.kz
Қазақстан өңірлерінде қысқы мал азығын дайындау жұмыстары жалғасуда. Облыс әкімдіктерінің жедел ақпаратына сүйенсек, ауыл шаруашылығы тауарын өндірушілер жоспарланған көлемнің 67 пайызын құрайтын 27,9 миллион тонна жемшөп жинап үлгерді, деп хабарлайды Qazaqtoday.info сайты.
Атап айтқанда, 22,8 миллион тонна шөп (жоспардың 89 пайызы), 2,1 миллион тонна пішендеме (90 пайыз), 1 миллион тонна құрама жем, 446,2 мың тонна сүрлем және 1,5 миллион тонна сабан дайындалды.
Қысқы мал қыстату кезеңін тұрақты өткізу және сақтандыру қорын қалыптастыру үшін «Азық-түлік келісімшарт корпорациясы» акционерлік қоғамы 201,3 мың тонна астық көлемінде жемшөп қорын жасақтады. Қажет болған жағдайда бұл резерв ауыл шаруашылығы өндірушілерін жемшөп ресурстарымен қамтамасыз етуге жұмсалады.
Науқан еліміздің барлық аймақтарында белсенді түрде жүріп жатыр.
Ауыл шаруашылығы министрлігі облыс әкімдіктерімен бірлесіп, жемшөп дайындау науқанының барысын бақылауда. Жүргізіліп жатқан мониторинг пен резервтерді уақтылы қалыптастыру мал шаруашылығы қожалықтарын қажетті азықпен қамтамасыз етуге және алдағы қысқы кезеңді тиімді өткізуге бағытталған.
