Тоқаев БҰҰ Еріктілер бағдарламасының атқарушы үйлестірушісін «Достық» орденімен марапаттады

Сурет: turkystan.kz

Қазақстан Президенті Қасым-Жомарт Тоқаев БҰҰ Еріктілер бағдарламасының атқарушы үйлестірушісі Тойли Курбановты ІІ дәрежелі «Достық» орденімен марапаттады. Бұл марапат волонтерлікті дамытуға қосқан елеулі үлесі үшін берілді, деп хабарлайды Qazaqtoday.info сайты.

Бүгін Мемлекет басшысы Тойли Курбановты қабылдады. Кездесу барысында Қасым-Жомарт Тоқаев Қазақстанның волонтерлік бастамаларын дәйекті түрде қолдағаны және Астанада өтіп жатқан ТМД волонтерлер форумына қатысқаны үшін Тойли Курбановқа алғысын білдірді.