Айгүл Иманбаева сіңлісі Райханның ұзату тойын жариялады
Әнші Айгүл Иманбаева туысы Райханның ұзату тойын жариялап, тойға онлайн тілегін жеткізді. Ол әкесінің екінші әйелінен туған сіңлісі туралы әңгімеледі.
Сурет: ozgeris.info
Әнші Айгүл Иманбаева Райхан атты туысының ұзату тойы екенін жеткізді, деп хабарлайды Qazaqtoday.info сайты.
Бұл туралы ол өзінің жеке парақшасында баяндады.
«Бүгін бізде қуаныш той!!! Туған сіңілімді ұзатып жатырмыз. Тойдан фото, видео ертең саламын. Ал енді Айгүлдің туған сіңілісі жоқ еді ғой, ол қалай десеңіздер мына әңгімемді тыңдаңыздар. Менің басымдағы оқиғаға ұқсас өмірлеріңіз болса кеш болмай тұрып араласыңыздар. Себебі кері қайтара алмайтын нәрсе ол УАҚЫТ», — деп жазды ол.
Оның айтуынша, Райхан есімді сіңлісі әкесінің екінші әйелінен туған. Иманбаева ата-ананың батасын алудың маңыздылығын атап өтіп, өз перзентін әкесінен бөлмей өсіргенін де тілге тиек етті.
Әнші белгілі бір жағдайларға байланысты туысының тойына бара алмайтынын айтып, оған онлайн түрде тілек білдірді.
