Берлинде өтетін WTT Feeder турнирінде Қазақстан атынан төрт спортшы сынға түседі
Берлиндегі WTT Feeder турнирінде Қазақстаннан төрт спортшы өнер көрсетеді. Топтық кезеңдегі қарсыластар белгілі болды.
Сурет: egemen.kz
19-23 тамыз аралығында Германия астанасы Берлинде үстел теннисінен WTT Feeder Berlin халықаралық турнирі өтеді, деп хабарлайды Qazaqtoday.info сайты.
Биылғы жарысқа 20 елдің өкілдері қатысады. Соның ішінде Қазақстан құрамасының спортшылары да бар. Алан Құрманғалиев, Айдос Кенжеғұлов, Санжар Жұбанов және Жанерке Қошқұмбаева ел намысын қорғайды.
Бүгін топтық кезеңдегі қарсыластар анықталды.
Санжар Жұбанов Ираннан Амирмахди Кешаварзи және Финляндиядан Алекси Рясяненмен кездеседі. Айдос Кенжеғұлов Қытай Тайбэйінен Ценг Цзы-Ю және Конгодан Кристиан Нгелекамен ойнайды. Жанерке Қошқұмбаева Румыниядан Иоана Сингеорзан, Польшадан Александра Михалак және Зузанна Павелецпен сынға түседі.
Ал Алан Құрманғалиев турнирді тікелей 1/16 финалынан бастайды.
