Жан басына шаққандағы энергиямен қамту: Қазақстан әлемдік рейтингте 22-орында
Қазақстан жан басына шаққандағы энергиямен қамту рейтингінде 157 гигаджоуль көрсеткішімен 22-орынға тұрақтады. Толық тізім және салыстырмалы деректер.
Сурет: politico.kz
Әлемнің 40 елінің жан басына шаққандағы энергиямен қамтамасыз етілуі бойынша жаңа рейтинг жарияланды. Қазақстан бұл тізімде 157 гигаджоуль көрсеткішімен 22-орынға тұрақтады, деп хабарлайды Qazaqtoday.info сайты.
Энергетика институтының «Statistical Review of World Energy 2026» баяндамасына сүйенсек, рейтингтің көшбасшысы — Исландия (745 гигаджоуль). Бұл елде гидроэнергетика мен геотермалдық көздер басым дамыған, сонымен қатар энергияны көп қажет ететін алюминий өнеркәсібі жұмыс істейді. Екінші және үшінші орындарды мұнай мен газды қайта өңдеуде жоғары көрсеткіштерге ие Катар (717 гигаджоуль) мен Сингапур (628 гигаджоуль) иеленді.
Жалпы алғанда, алғашқы сегіздікте халқы аз, бірақ энергия өндірісі жоғары елдер — Кувейт, Тринидад және Тобаго, Сауд Арабиясы — басым. Салыстырмалы түрде Ресей 12-орында (216,6 гигаджоуль), Түркіменстан 14-орында (202 гигаджоуль), ал Беларусь 31-орында (126 гигаджоуль).
Зерттеу қорытындысы бойынша, үздік 40 елдің қатарына Африка мен Оңтүстік Америка құрлығынан бірде-бір мемлекет енбеген. Тізімнің соңғы сатысын Болгария (104 гигаджоуль) қорытындылайды.
