19-20 тамызда ауа райы: жаңбыр, найзағай және ыстық
Қазгидромет 19-20 тамызға арналған ауа райы болжамын жариялады. Республиканың басым бөлігінде жаңбыр, найзағай, бұршақ күтіледі. Толық мәлімет Qazaqtoday.info сайтында.
Сурет: madeniportal.kz
«Қазгидромет» мамандарының болжамынша, алдағы екі тәулікте республиканың басым бөлігінде атмосфералық фронттардың әсерінен жаңбырлы күндер болады деп хабарлайды Qazaqtoday.info сайты.
Синоптиктердің дерегінше, 19-20 тамызда еліміздің көптеген өңірінде жаңбыр жауып, найзағай ойнайды. Кей жерлерде жел күшейіп, тіпті бұршақ түсуі де ықтимал. Тек оңтүстік аймақтарда ғана күн ашық болмақ. Ал солтүстік, шығыс және орталық өңірлерде түнде және таңертең тұман түседі.
Айта кетерлігі, 19-20 тамызда солтүстік аймақтарда, ал 20 тамызда еліміздің орталығында қатты жаңбыр жаууы мүмкін. Батыс өңірлерде күндіз ауа температурасы +30…+38°C-қа дейін көтерілсе, Маңғыстау облысының кейбір аудандарында термометр +41°C-қа дейін көрсетеді.
Ақтөбе облысында күндіз ауа +27…+35°C, Қостанай облысында +20…+30°C болса, солтүстік облыстарда +17…+22°C-қа дейін төмендейді. Орталық және шығыс өңірлерде күндіз +18…+30°C, ал елдің оңтүстігінде +30…+37°C жылы болады.
