Нұрай Серікбайдың ағасы қарындасына арнаған жазбасы елді жылатты
Шымкентте қаза тапқан Нұрай Серікбайдың ағасы Сұлтан Серікбай әлеуметтік желіде қарындасына арнаған әсерлі жазба жариялады. Ол әділдік үшін күресіп жүргенін айтып, кешірім сұрады.
Сурет: madeniportal.kz
Шымкентте қайтыс болған Нұрай Серікбайдың ағасы Сұлтан Серікбай әлеуметтік желідегі парақшасында қарындасына арнаған әсерлі жазба жариялады, деп хабарлайды Qazaqtoday.info сайты.
Сұлтан Серікбай жазбасында әділдік орнауы үшін бар күшін салып жүргенін айтып, қарындасынан кешірім сұрады. Ол өзін қорғай алмағаны үшін кінәлі сезінетінін жеткізді.
«Нұрайка, әділдік орнауы үшін қолдан келгеннің бәрін жасап жатырмын. Мені кешірші… Сені қорғап қала алмадым…» — деп жазды Сұлтан Серікбай.
Еске салайық, Нұрай Серікбайға пышақ жарақатын салып, адам өліміне әкелген қылмыс жасаған адам өмір бойына бас бостандығынан айырылды. Сот шешімінен кейін Сұлтан Серікбай қарындасының алдындағы бір міндеті орындалғанын сезініп, қоғамға әсерлі жазбасымен жеткізді.
