Мудрик «Страсбурға» ауысса, Сатпаевтың жалдануы мүмкін емес
Михаил Мудрик «Страсбурға» ауысса, Дастан Сатпаевтың жалдану мүмкіндігі жойылады. ФИФА ережелері бойынша бір клуб үш ойыншыдан артық жалдай алмайды.
Сурет: ulysmedia.kz
Украиналық шабуылшы Михаил Мудрик «Страсбур» клубына ауысатын болса, бұл Дастан Сатпаевтың осы командаға жалдану мүмкіндігін жояды, деп хабарлайды amanvibe.kz. ФИФА ережелері бойынша, бір клуб бір командадан үш ойыншыдан артық жалдай алмайды. Ал «Страсбурда» қазірдің өзінде «Челсиден» екі ойыншы бар.
Бұған дейін БАҚ-та «Челси» иелерінің құрылымына кіретін француздық «Страсбур» Сатпаевтың ойын тәжірибесін арттыру үшін ең ықтимал нұсқалардың бірі ретінде қарастырылып келген еді. Алайда қазір бұл сценарий қауіп астында қалуы мүмкін.
Дастан Сатпаев алматылық «Қайраттан» лондондық «Челсиге» қазақстандық футбол үшін рекордтық 4,3 миллион еуроға (бонустарды қосқанда) ауысты. Ағылшын клубымен келісім ресми түрде 2026 жылдың 12 тамызында, ойыншы 18 жасқа толғанда күшіне енеді.
