Президент Шавкат Рахмоновтың әкесінің қайтыс болуына көңіл айтты

Сурет: dalanews.kz

Мемлекет басшысы Қасым-Жомарт Тоқаев аралас жекпе-жек шебері Шавкат Рахмоновқа көңіл айту жеделхатын жолдады. Бұл туралы Qazaqtoday.info сайты хабарлайды.

Президент танымал спортшының әкесі Бақтыбай Алпамысовтың дүниеден өтуіне байланысты қайғысына ортақтасып, көңіл білдірді.

«Бақтыбай Рахмонұлы мағыналы ғұмыр кешкен қадірлі жан болды. Нағыз отаншыл азамат ретінде ел мерейін үстем еткен, бүкіл қазақ жұртының мақтанышына айналған өзіңіздей жігерлі ұрпақ тәрбиелеп өсірді. Әкеңіздің иманы саламат, жаны жәннатта болсын!» – делінген жеделхатта.