«Барлық жерде шашылып жатыр»: Семейде құрылыс алаңынан адам сүйектері табылды

Фото: Ақжайық

Семейде жаңадан салынып жатқан құрылыс алаңынан адам сүйектері табылды, деп хабарлайды Qazaqtoday.info ақпарат порталы.

Бұрынғы «Пищевик» стадионының аумағынан адам сүйектері табылды. Қазір ол жерда жаңа спорт кешенінің құрылысы жүріп жатыр. Сүйектер адамдыкі болуы мүмкін деген болжам айтылуда.

«Мүмкін, бұрын ескі зират болған шығар, бірақ адам сүйектері барлық жерде шашылып жатыр. Қайда жүгінуге болады?», – деп сұрайды жергілікті тұрғын әлеуметтік желіде.

Оқиғаға қатысы полиция түсініктеме берді.

«9 шілдеде Семей қаласындағы бұрынғы «Пищевик» стадионының аумағында жүргізіліп жатқан құрылыс жұмыстары кезінде адам сүйектерінің қалдықтары табылды. Оқиға орнына полиция қызметкерлері дереу жетті. Табылған сүйек қалдықтары олардың шығу тегін және жерленген уақытын анықтау мақсатында сараптамаға жіберілді», – дейді Абай облысының полиция департаменті.

Полиция мұндай жағдайларда азаматтарға дереу ішкі істер органдарына хабарласып, полиция қызметкерлері келгенге дейін өз бетінше ешқандай әрекет жасамауды ескертті.