Семейде жылу құбыры жарылған ба: ыстық су ағып жатыр

Семей қаласының Силикатты кентінде жылу трассасынан ыстық су тоқтаусыз сыртқа ағып, тұрғындардың алаңдаушылығын тудырды. Бұл апаттық тесілу ме, әлде жоспарлы су ағызу ма — жергілікті халық білмей дағдарып отыр, деп хабарлайды Qazaqtoday.info сайты.

Әлеуметтік желіде тараған бейнежазбадан құбырдан судың қатты қысыммен ағып жатқаны көрінеді. Егер бұл техникалық ақау болса, қыс мезгілі қарсаңында халықтың жылусыз қалу қаупі жоғары. Тіпті жоспарлы жұмыс болса да, жауапты мекеме тұрғындарға алдын ала ескертпеген.

Қала тұрғындары әкімдік пен жылумен қамтамасыз етуші компаниядан ресми түсініктеме беруді талап етеді.