Қасым-Жомарт Тоқаев семсерлесушілерді әлем чемпионатындағы жеңісімен құттықтады
Қасым-Жомарт Тоқаев Қазақстан семсерлесу құрамасын Гонконгтағы әлем чемпионатында алғаш рет алтын медаль жеңіп алғаны үшін құттықтады.
Қазақстан семсерлесу құрамасы Гонконгта өткен әлем чемпионатында өз тарихында тұңғыш рет алтын медаль жеңіп алды. Осы жетістікпен оларды Президент Қасым-Жомарт Тоқаев құттықтады, деп хабарлайды Qazaqtoday.info сайты.
Мемлекет басшысы құттықтауында бұл медаль спорттық шеберліктің, берік мінез бен командалық рухтың айқын көрінісі екенін атап өтті.
Қасым-Жомарт Тоқаев жеңімпаздар мен жаттықтырушыларға Қазақстанның әлемдік аренадағы беделін арттыруға қосқан үлесі үшін шынайы алғысын айтып, жаңа жеңістерге жете беруіне тілектестік білдірді.
