1 миллиард теңге қайда кетті: Тарбағатай–Аягөз жолындағы шудың ақыры не болмақ?

Фото: видеодан скрин

Әлеуметтік желіде Тарбағатай–Аягөз тасжолының сапасыз жөнделуіне қатысты халықтың наразылығын тудырған бейнежазба тарап, үлкен дауға ұласты. Тұрғындар 1 миллиард теңгенің жобасында технология бұзылып, жол қабаты тым жұқа төселгенін айтып, тәуелсіз сараптама талап етуде, деп хабарлайды Qazaq Today ақпарат порталы.

Жыл сайын миллиардтарды игерсе де, халыққа жарымаған жол ұсынатын «ҚазАвтоЖол» ұлттық компаниясының жұмысы тағы да қатты сынға ұшырады. Аталған мекеменің Абай облыстық филиалы бұл үрдісті ескі жабындыны цементпен өңдейтін «ресайклерлеу» әдісі деп, үйреншікті сылтаумен ақталуға тырысты. Олар асфальт сапасы бақылауда екенін және мердігер 3 жылдық кепілдік аясында ақауларды өз есебінен жөндеуі тиіс екенін айтып, жауапкершіліктен жалтарып отыр. Алайда, сапаны басынан дұрыс қадағаламай, соңынан тек кепілдік мерзіміне сілтеп отыратын жауапты мекеменің бұл әрекетіне халықтың сенімі әлдеқашан таусылған.

Видео: HALYQSTAN