Қарағандылық шенеунік қызметтік көлікпен сыра тасып жүр
Әлеуметтік желіде Қарағанды облысы әкімдігіне қарасты «Ормандарды және жануарлар дүниесін қорғау жөніндегі шаруашылық» КММ инспекторы Бауыржан Кәукенбаевқа қатты ұқсайтын ер адамның бейнежазбасы тарап кетті, деп хабарлайды Qazaqtoday.info.
Видеодан оның белгісіз әйелмен бірге мемлекеттің қызметтік автокөлігіне мініп, қолына құйылып сатылатын сыраға ұқсайтын сусын ұстап алғанын анық көруге болады. Бұл жағдай өңірдегі шенеуніктердің мемлекет мүлкін өз игілігіне жаратып, қызметтік әдеп нормаларын аяққа таптайтынын тағы да дәлелдеп берді.
Облыс әкімдігі мен Мемлекеттік қызмет істері агенттігі бұл бассыздыққа көз жұма қарамай, лауазымды тұлғаның әрекетіне шұғыл түрде құқықтық баға беруі тиіс. Жергілікті биліктің халық ақшасына алынған көлікпен мұндай қыдырыстарға жол беріп отырғаны аймақ басшылығының бақылаусыздығын көрсетеді.
Фото: depositphotos
