Ұлттық компаниядағы дау: «ҚазМұнайГаз» мықты мамандарды қыстартпақ

«ҚазМұнайГаз» ұлттық компаниясы» АҚ басқарма төрағасы Асхат Тілеубергенұлы Хасенов орталық аппаратты оңтайландыру аясында қызметкерлердің 10%-ы, яғни 47 адам жұмыстан босатылғанын ресми мәлімдеді, деп хабарлайды Qazaqtoday.info

Алайда бұл қысқартудың артында нақты әлеуметтік қолдау бар ма, әлде бәрі заңның құрғақ баптарымен ғана шектелді ме?

Басқосуда «ҚазМұнайГаз» ұлттық компаниясы» АҚ басқарма төрағасы Асхат Тілеубергенұлы Хасеновке қысқартылған қызметкерлерге қандай әлеуметтік қолдау шаралары қарастырылғаны және өтемақы төлемдеріне қанша қаражат бөлінгені туралы тікелей сұрақ қойылды. Спикер бұл үдерістің тек «еңбек заңнамасы мен нақты еңбек шарттары аясында» жүргізіліп жатқанын айтумен шектелді. Нақты қанша қаражат кесілгені туралы сұраққа нақты сома айтылмады. Бұл әдеттегідей бюджеттің «жабық» күйде қалғанын көрсетеді.

Ұлттық компания бұл қадамды оңтайландыру деп атағанымен, қысқартуға ілінген мамандардың кейінгі тағдыры мен әлеуметтік пакетінің көлемі бұлыңғыр күйінде қалып отыр.

Фото: kmg.kz