«Челси» Дастан Сатпаевтың болашағы туралы шешім қабылдады
«Челси» 17 жастағы Дастан Сатпаевты «Страсбурға» жалға беруді қарастырып жатыр. Алдымен футболшы Хаби Алонсо басқаратын командамен маусым алды дайындықтан өтеді.
Сурет: ulysmedia.kz
17 жастағы қазақстандық шабуылшы Дастан Сатпаев бірнеше ай бойы «Страсбурға» жалға берілуге үміткерлердің қатарында жүр, деп хабарлайды Qazaqtoday.info сайты. Бұл туралы француз журналисі Сирил Оливес-Берте мәлім етті.
«Страсбур» да, «Челси» де BlueCo холдингінің құрамына кіреді, сондықтан мұндай нұсқа өте ықтимал. Дегенмен, ауысу мәселесі әлі ашық күйінде қалып отыр. Алдымен Сатпаев «Челси» сапында жаңа бас бапкер Хаби Алонсоның жетекшілігімен маусым алды дайындықтан өтеді.
Жиындардың қорытындысы бойынша лондондық клуб басшылығы жас футболшының прогрессін бағалап, оның дамуының келесі кезеңі туралы шешім қабылдайды. «Страсбурға» жалға беру жалғыз нұсқа емес – «Челси» қазақстандық шабуылшыға ойын тәжірибесін жинақтауға және Еуропада дамуын жалғастыруға көмектесетін басқа мүмкіндіктерді де қарастырып жатыр.
