Жетімнің көзжасы: Ақмола облысында 13 жыл кезек күткен жігітке апатты жағдайдағы пәтер берілген

Ақмола облысына қарасты Макинск қаласында жетімдер үйінің түлегі Анатолий Вездецкий зарыға күткен баспанасына 13 жыл дегенде әрең қол жеткізді. Алайда бүгінде ол қылмыстық істің айыпталушысы болып кетуден қатты қорқып оытр, деп хабарлайды Qazaqtoday.info.

Бұған үйдің «апатты» деп танылуына балконы себеп — ол тұрғындардың өмірі мен денсаулығына айтарлықтай қауіп төндіріп тұр. Оның үстіне, бір жылдан астам уақыт бойы «барлық жағдайы жасалған» деп берілген пәтерінде су жоқ, жас жігіт суды сырттағы құдықтан (колонкадан) тасуға мәжбүр.

Жағдайдың егжей-тегжейін Әсел Тұрар анықтап көрді. Вездецкий жұбайымен бірге үш бала тәрбиелеп отыр. Ол «жетім бала» санаты бойынша баспана кезегінде 13 жыл тұрған. Көп күтуден шаршаған соң, кезінде қазақ тілін жетік білуімен жұртшылықты тәнті еткен оның полицей ағасы журналистерден көмек сұраған.

Көп ұзамай Геннадий де, Анатолий де Макинск қаласынан пәтер алды. Ол кезде жергілікті билік мұны шудың әсері емес, жай ғана ағайындылардың кезегі келгендігімен түсіндірді.

Ағайындылар дауласқан жоқ, тек өз шаңырақтарына қол жеткізгендеріне қуанды. Геннадийге бір бөлмелі, ал отбасылы Анатолийге екі бөлмелі пәтер бұйырды.

Фото: orda