Словакиялық тыңдармандар Димаштың құрметіне қайырымдылық акциясын өткізді

Фото: dimashnews.com

Қазақстандық әнші Димаш Құдайбергеннің Словакиядағы жанкүйерлері қайырымдылық мақсатында 2000 еуро көлемінде қаржы жинап, мұқтаж жандарға көмек көрсетті, деп хабарлайды Qazaqtoday.info порталы.

Бұл игі шара өнер иесінің 32 жасқа толуына орай ұйымдастырылған. Жиналған қаражат әлеуметтік қолдауды қажет ететін азаматтарға атаулы түрде табысталып, олардың қаржылық қиындықтарын еңсеруге сеп болған.

Қайырымдылық бастамасы туралы словакиялық фан-клуб өкілі Елена Хавердова хабарлады. Оның сөзінше, бұл идея жанкүйерлер арасында үлкен қолдау тапқан. Ол сондай-ақ өзгелерге нақты көмек көрсету мүмкіндігі жобаның ең маңызды нәтижесі болғанын атап өтті.