Ақтаудағы арнайы орталықта 4 жасар бала жарақат алды: ата-анасы жауаптыларды жазалауды талап етті

Ақтау қаласындағы №3 Арнаулы әлеуметтік қызметтер көрсету орталығында келеңсіз жағдай тіркелді.

Ата-анасының айтуынша, мекемеде болған 4 жасар бала қызметкерлердің қарауынсыз қалып, жарақат алған. Оқиғаға қатысты бейнебақылау жазбасы әлеуметтік желіде тарады. Баланың ата-анасы бұл жағдайға жауаптылардың әрекетіне құқықтық баға беруді сұрап отыр. Олар полиция мен прокуратураға ресми түрде арыз түсірген.

Қазір оқиғаның мән-жайын анықтау үшін арнайы комиссия құрылған. Іс бойынша сотқа дейінгі тергеу амалдары басталғаны хабарланды. Қоғамда балалар қауіпсіздігіне қатысты сұрақтар қайта көтерілді.

Құзырлы органдар тексеру нәтижесі бойынша нақты шешім қабылдайды. Оқиғаның толық ақиқаты тергеу қорытындысынан кейін белгілі болады