Самарқан су қоймасында қайығы аударылған ер адам құтқарылды
Қарағанды облысында Төтенше жағдайлар министрлігінің қызметкерлері Самарқан су қоймасында суға түсіп кеткен ер адамды құтқарып қалды, деп хабарлайды qazaqtoday.info ақпарат порталы.
ТЖМ мәліметінше, оқиға Теміртау қаласындағы Песчаная коса ауданында болған. 112 пультіне қайықтың аударылып, ер адамның суға құлап кеткені туралы хабарлама түскен.
Оқиға орнына жедел жеткен құтқарушылар азаматты судан шығарып, оны медициналық тексеру үшін жедел жәрдем қызметкерлеріне тапсырды.
ТЖМ су айдындарына шығар алдында қауіпсіздік талаптарын қатаң сақтауға шақырады. Мамандар ауа райы болжамын алдын ала тексеріп, құтқару кеудешесін киюді, техникалық жарамды қайықтарды пайдалануды және қатты жел кезінде суға шықпауды ескертті.
