«Адам өледі, ажал қалады»: Ескендір Хасанғалиевтің ұлы әсерлі жазба жариялады

Фото: жеке мұрағат

Танымал әнші Біржан Хасанғалиев әлеуметтік желідегі парақшасында әкесі, белгілі композитор, әнші Ескендір Хасанғалиевті еске алып, жантебірентер жазба жариялады. Бұл туралы QazaqToday.info ақпараттық порталы хабарлайды.

Өнер иесі  әкесінің дүниеден өткеніне бес жыл уақыт өткенін айтып, сағынышын Исраил Сапарбайдың өлең жолдарымен жеткізді.

«Уақыт өтеді,

Ай, күн қалады.

Бақыт кетеді,

Қайғым қалады.

Адам өледі,

Ажал қалады.

Мәңгі тіршілік

Мазамды алады…», – деп жазды ол.

Желі қолданушылары әншіге қолдау білдіріп, Ескендір Хасанғалиевтің қазақ өнеріндегі шоқтығы биік тұлға екенін жарыса жазды.