Трамп пен Нетаньяхудың Вашингтондағы кездесуі 3 сағатқа созылған

Фото: Jabin Botsford/The Washington Post via Getty Images

АҚШ президенті Дональд Трамп пен Израиль премьер-министрі Биньямин Нетаньяхудың Ақ үйдегі кездесуі шамамен үш сағатқа созылды. Бұл туралы Израиль премьер-министрінің кеңсесі жариялады. Бұл туралы QazaqToday.info ақпараттық порталы хабарлайды.

Кездесуге сондай-ақ АҚШ мемлекеттік хатшысы Марко Рубио, қорғаныс министрі Пит Хегсет, арнайы өкілдер Стив Уиткофф пен Джаред Кушнер, сондай-ақ елші Майк Хакаби қатысты. Израиль делегациясының құрамында Израильдің АҚШ-тағы елшісі Йехиэль Лейтер, әскери хатшы Роман Гофман, ұлттық қауіпсіздік жөніндегі кеңесшінің міндетін атқарушы Гил Райх, Майкл Айзенберг, премьер-министр аппаратының жаңа басшысы Зив Агмон және саяси кеңесші Офир Фальк болды.

Израильдік БАҚ-тың мәліметінше, кездесу Вашингтон Иранмен келісімге қол жеткізе алмаған жағдайда бірлескен іс-қимыл жоспарын әзірлеуге арналды.

«Екі тарап та келісім жасалу ықтималдығына күмәнмен қарайды», – деп хабарлайды 12-арна.

Вашингтонда АҚШ президенті Дональд Трамп пен Израиль премьер-министрі Биньямин Нетаньяхудың кездесуі өтуде.

Reuters агенттігінің хабарлауынша, Ақ үйде өткен кездесуде Газа мен Иран мәселелері талқылануда.

Вашингтонда АҚШ президенті Дональд Трамп пен Израиль премьер-министрі Биньямин Нетаньяху арасындағы келіссөздер басталды.

Кездесудің басты тақырыбы – Иранның ядролық мәселесін шешу жөніндегі иран-америкалық келіссөздердің барысы. Нетаньяху Израильдің ұстанымын таныстырып, Иранмен жасалатын келісім уранды байытуды тоқтатуды, қолда бар материалды ел аумағынан шығаруды және баллистикалық зымырандарды әзірлеуді тоқтатуды қамтуы қажет екенін атап өтеді.