Голливуд актрисасы, «Үйде жалғыз қалғанда» фильміндегі Кевиннің анасы рөлімен танылған Кэтрин О’Хара 71 жасында қайтыс болды, деп хабарлайды Qazaqtoday ақпарат агенттігі.
Актрисаның менеджері таратқан мәлімет бойынша, ол 30 қаңтар күні Лос-Анджелестегі өз үйінде дүниеден өткен. Оның өліміне «қысқа мерзімді ауру» себеп болғаны айтылады.
Кэтрин О’Хара көрермендерге «Үйде жалғыз қалғанда» фильмінің алғашқы екі бөліміндегі Кейт Маккаллистер рөлімен кеңінен танымал. Сонымен қатар ол канадалық «Шиттс Крик» ситкомындағы Мойра Роуз бейнесін сәтті сомдап, көптеген беделді сыйлыққа ие болған.
Фото: Әлеуметтік желіден
