Бір адам қаза тапты: Жаңаөзенде жантүршігерлік жол апаты болды

Қарақия ауданындағы Өзен кен орны аумағында өліммен аяқталған жол-көлік оқиғасы тіркелді , деп хабарлайды Qazaq Today ақпарат порталы.

Өңірлік полиция департаментінің мәліметінше, 26 қаңтар күні шамамен сағат 19:00-де Өзен кен орны аумағында Mitsubishi L-200 көлігінің жүргізушісі рөлге ие бола алмай, қарсы бағытта келе жатқан SHACMAN жүк көлігімен соқтығысқан.

Салдарынан жол талғамайтын көлікте отырған жолаушы оқиға орнында көз жұмды. Жүргізуші түрлі дене жарақаттарымен медициналық мекемеге жеткізіліп, ауруханаға жатқызылды.

Осы дерек бойынша ҚР ҚК-нің 345-бабы 3-бөлігі бойынша (жол қозғалысы қағидаларын немесе көлік құралдарын пайдалану ережелерін бұзу, абайсызда адам өліміне әкелу) қылмыстық іс қозғалды. Кінәлі деп танылған жағдайда оған белгілі бір лауазымдарды атқару немесе белгілі бір қызметпен айналысу құқығынан бес жылға дейін айыра отырып, бес жылға дейін бас бостандығынан айыру жазасы қолданылуы мүмкін.

Көлік арнайы тұраққа қойылды. Қазіргі уақытта қажетті тергеу әрекеттері жүргізілуде.