Фото: instagram.com/janibek_alimkhanuly
BoxRec.com порталы 2025 жылдың қорытындысы бойынша үздік қазақстандық боксшылар тізімін жариялады. Рейтингте бірінші орынға орта салмақтағы әлем чемпионы Жәнібек Әлімханұлы жайғасты.
Бұл туралы Qazaqtoday ақпарат агенттігі хабарлайды.
Әлімханұлы кәсіби рингте 17 жекпе-жек өткізіп, барлығында жеңіске жеткен (соның 12-сі нокаутпен). Қазір ол WBO және IBF нұсқалары бойынша әлем чемпионы атағын ұстап тұр. Дегенмен, жақында ол допинг дауының ортасында қалып, егер айыбы дәлелденсе, белбеулерінен айырылып, спорттан шеттетілуі мүмкін.
Үздік үштікке тағы кімдер енді?
Рейтингтегі екінші орында – жартылай жеңіл салмақта өнер көрсететін Сұлтан Заурбек (20 жеңіс, 13 нокаут), ал үшінші сатыда – Жанқош Тұраров (29 жеңіс, 20 нокаут). Екеуі де әзірге жеңілістің ащы дәмін татып көрмеген.
Қалған үздік ондыққа кірген боксшылар:
– Данияр Елеусінов (13-0, 8 КО)
– Бек Нұрмағамбет (15-0, 13 КО)
– Бекман Сойлыбаев (21-1, 12 КО)
– Батыр Жүкембаев (24-1, 17 КО)
– Руслан Мәдіев (18-2-1, 6 КО)
– Елшат Нығметолла (21-0-3, 8 КО)
– Садриддин Ахмедов (15-0-1, 13 КО)
Неліктен бұл рейтинг маңызды?
BoxRec тізімі боксшылардың рейтинг ұпайларына, жекпе-жек сапасына және қарсыластарының деңгейіне қарай жасалады. Бұл өз кезегінде қазақстандық боксшылардың әлемдік аренадағы беделін бағалауға мүмкіндік береді.
Мұндай рейтингтер боксшылар үшін тек мәртебе ғана емес, сонымен бірге әлеуетті бәсекелестер мен ұйымдастырушылардың назарына түсуге жол ашады.
