Атырауда полицияның жұмысына халық разы емес

Фото: видеодан скрин

Атырауда полицияның әрекетсіздігіне халықтың ашуы күшейіп барады. Қала тұрғындары айлап арыз жазып, көмек сұраса да, ешқандай нәтиже жоқ. Қылмыстық істер ашылмайды, тексерулер жүргізілмейді, сараптама тағайындалмайды.
Көзге көрініп тұрған заң бұзушылықтарға қарамастан, кейбір полицейлер жай ғана көз жұма қарайды, деп хабарлайды Qazaq.today.

Атырау тұрғындарының айтуынша, олар бірнеше рет әртүрлі фактілер бойынша шағым түсірген, бірақ істер қозғалған жоқ.
Бұдан да сорақысы — қудалау мен қорқыту (сталкинг) туралы арыз жазған жәбірленушілердің өтініштерін полиция дұрыс қарамай, “жала жабу” деп хаттама толтырған. Яғни, кінәлілер жазаланбай, ал зардап шеккендер керісінше айыпты болып шыққан.

Қоғам белсенділері ашық сұрақ қояды: бұл – жемқорлық байланыстардың салдары ма, әлде басшылар өз жұмысын істей алмай отыр ма?

Олар полицияның жұмысын тексеріп, немқұрайлық танытқан қызметкерлерді жауапқа тартуды талап етуде.
«Атырау – заңсыздық пен бейқамдықтың символына айналып кеткен.